.

בקשת אל נקמות

על טבח תשרי תשפ"ד שינקום ה' מבני ישמעאל נקמת דם עבדיו השפוך

תחילה יאמר מזמור צד בתהלים:
אֵל-נְקָמוֹת יְהוָה אֵל נְקָמוֹת הוֹפִיַע: הִנָּשֵׂא שֹׁפֵט הָאָרֶץ הָשֵׁב גְּמוּל עַל-גֵּאִים: עַד-מָתַי רְשָׁעִים | יְהוָה עַד-מָתַי רְשָׁעִים יַעֲלֹזוּ: יַבִּיעוּ יְדַבְּרוּ עָתָק יִתְאַמְּרוּ כָּל-פֹּעֲלֵי אָוֶן: עַמְּךָ יְהוָה יְדַכְּאוּ וְנַחֲלָתְךָ יְעַנּוּ: אַלְמָנָה וְגֵר יַהֲרֹגוּ וִיתוֹמִים יְרַצֵּחוּ: וַיֹּאמְרוּ לֹא יִרְאֶה-יָּהּ וְלֹא-יָבִין אֱלֹהֵי יַעֲקֹב: בִּינוּ בֹּעֲרִים בָּעָם וּכְסִילִים מָתַי תַּשְׂכִּילוּ: הֲנֹטַע אֹזֶן הֲלֹא יִשְׁמָע אִם-יֹצֵר עַיִן הֲלֹא יַבִּיט: הֲיֹסֵר גּוֹיִם הֲלֹא יוֹכִיחַ הַמְלַמֵּד אָדָם דָּעַת: יְהוָה יֹדֵעַ מַחְשְׁבוֹת אָדָם כִּי-הֵמָּה הָבֶל: אַשְׁרֵי | הַגֶּבֶר אֲשֶׁר-תְּיַסְּרֶנּוּ יָּהּ וּמִתּוֹרָתְךָ תְלַמְּדֶנּוּ: לְהַשְׁקִיט לוֹ מִימֵי רָע עַד יִכָּרֶה לָרָשָׁע שָׁחַת: כִּי | לֹא-יִטֹּשׁ יְהוָה עַמּוֹ וְנַחֲלָתוֹ לֹא יַעֲזֹב: כִּי-עַד-צֶדֶק יָשׁוּב מִשְׁפָּט וְאַחֲרָיו כָּל-יִשְׁרֵי-לֵב: מִי-יָקוּם לִי עִם-מְרֵעִים מִי-יִתְיַצֵּב לִי עִם-פֹּעֲלֵי אָוֶן: לוּלֵי יְהוָה עֶזְרָתָה לִּי כִּמְעַט | שָׁכְנָה דוּמָה נַפְשִׁי: אִם-אָמַרְתִּי מָטָה רַגְלִי חַסְדְּךָ יְהוָה יִסְעָדֵנִי: בְּרֹב שַׂרְעַפַּי בְּקִרְבִּי תַּנְחוּמֶיךָ יְשַׁעַשְׁעוּ נַפְשִׁי: הַיְחָבְרְךָ כִּסֵּא הַוּוֹת יֹצֵר עָמָל עֲלֵי-חֹק: יָגוֹדּוּ עַל-נֶפֶשׁ צַדִּיק וְדָם נָקִי יַרְשִׁיעוּ: וַיְהִי יְהוָה לִי לְמִשְׂגָּב וֵאלֹהַי לְצוּר מַחְסִי: וַיָּשֶׁב עֲלֵיהֶם | אֶת-אוֹנָם וּבְרָעָתָם יַצְמִיתֵם יַצְמִיתֵם יְהוָה אֱלֹהֵינוּ:

ואח"כ יאמר בקשה זו בהתעוררות הלב:
אֱלֹהֵינוּ שֶׁבַּשָּׁמַיִם נְקֹם נִקְמַת דָּם עֲבָדֶיךָ אֲשֶׁר שֻׁפַּךְ דָּמָם כַּמַּיִם בִּידֵי הַיִּשְׁמְעֵאלִים הַעֲרִיצִים הַפְּרָאִים אֲשֶׁר טָבְחוּ וְלֹא חָמְלוּ בְּנְּעָרִים וּנְעָרוֹת בִּזְקֵנִים וּזְקֵנוֹת וְגָדְעוּ כַּמָּה וְכַמָּה מִשְׁפָּחוֹת, וְנָגְעוּ דְּמֵי אָבוֹת וּבָנִים, וּדְמֵי רַחְמָנִיּוֹת וְיַלְדֵיהֶם, וְנִתְעָרְבוּ דְּמֵי אַחִים וַאֲחָיוֹת וּדְמֵי חֲתָנִים וְכַלּוֹת וּדְמֵי יְלָדִים וִילָדוֹת, וּדְמֵי אֲנָשִׁים וּנְשׁוֹתֵיהֶם, וְנֶהֶרְגוּ עַל קְדֻשַּׁת שִׁמְךָ הַמְּיֻחָד, וְלָקְחוּ בְּאַכְזָרִיּוּת וְחֵמָה לַשְּׁבִי אֲנָשִׁים נָשִׁים וָטַף בְּבִזָּיוֹן וְחֶרְפָּה וּמְיַסְּרִים אוֹתָם וּמְעַנִּים אוֹתָם.

עַד מָתַי אֱלֹהִים יְחָרֶף צָר יְנָאֵץ אוֹיֵב שִׁמְךָ לָנֶצַח, זְכֹר ה' מֶה הָיָה לָנוּ הַבִּיטָה וּרְאֵה אֶת חֶרְפָּתֵנוּ, וְאַתָּה ה' אֱלֹקִים צְבָאוֹת אֱלֹקֵי יִשְׂרָאֵל הָקִיצָה לִפְקֹד כָּל הַגּוֹיִם אַל תָּחֹן כָּל בֹּגְדֵי אָוֶן סֶלָה, כַּלֵּה בְחֵמָה כַּלֵּה וְאֵינֵמוֹ וְיֵדְעוּ כִּי אֱלֹקִים מֹשֵׁל בְּיַעֲקֹב לְאַפְסֵי הָאָרֶץ סֶלָה, שְׁפֹךְ חֲמָתְךָ אֶל הַגּוֹיִם אֲשֶׁר לֹא יְדָעוּךָ וְעַל מַמְלָכוֹת אֲשֶׁר בְּשִׁמְךָ לֹא קָרָאוּ, כִּי אָכַל אֶת יַעֲקֹב וְאֶת נָוֵהוּ הֵשַׁמּוּ.

נָא דּוֹרֵשׁ דָּמִים קוֹל דְּמֵי בָּנֶיךָ צוֹעֲקִים אֵלֶיךָ מִן הָאֲדָמָה, עֲשֵׂה לְמַעֲנָם וַחֲמֹל עַל עַמְּךָ יִשְׂרָאֵל וְתוֹצִיאֵם מֵאֲפֵלָה לְאֹרָהּ, רְאֵה נָא בְּעָנְיֵנוּ וַעֲנֵנוּ, הִנְנוּ בְּיָדְךָ הִנְנוּ, חָנֵּנוּ ה' חָנֵּנוּ.

רוֹעֶה יִשְׂרָאֵל הַאֲזִינָה, נֹהֵג כַּצֹּאן יוֹסֵף יֹשֵׁב הַכְּרוּבִים הוֹפִיעָה, שֶׁאֵין אַתָּה כְּרוֹעֶה בָּשָׂר וָדָם שֶׁיָּשֵׁן לוֹ וּבָאִים הָאֲרָיוֹת וְהַזְּאֵבִים וְטוֹרְפִים אֶת הַצֹּאן. אֲבָל עָלֶיךָ נֶאֱמַר הִנֵּה לֹא יָנוּם וְלֹא יִישָׁן שׁוֹמֵר יִשְׂרָאֵל. עַל כֵּן חוּס וְחֹן וַחֲמֹל וְרַחֵם עַל פְּלִיטַת צֹאנְךָ הַנִּשְׁאָרָה שֶׂה פְּזוּרָה, בְּנֵי אַבְרָהָם אוֹהַבְךָ, זֶרַע יִצְחָק עֲקֵדֶךָ שֶׁנֶּעֱקַד עַל גַּבֵּי הַמִּזְבֵּחַ, עֲדַת יַעֲקֹב בִּנְךָ בְּכוֹרֶךָ, שֶׁמֵּאַהֲבָתְךָ שֶׁאָהַבְתָּ אוֹתוֹ וּמִשִּׂמְחָתְךָ שֶׁשָּׂמַחְתָּ בּוֹ קָרָאתָ אוֹתוֹ יִשְׂרָאֵל וִישֻׁרוּן. יִהְיוּ לְרָצוֹן אִמְרֵי פִי וְהֶגְיוֹן לִבִּי לְפָנֶיךָ ה' צוּרִי וְגֹאֲלִי:

בקשת אל נקמות

• לקריאה
• הורדה PdfA4
• הורדה PdfA5
• שיתוף