סדר לימוד לליל שביעי של פסח

באשמורת הבוקר בליל שביעי של פסח קודם עלות השחר נכון לקרות שירת הים

באשמורת הבוקר בליל שביעי של פסח קודם עלות השחר נכון לקרות שירת הים בקול נעים מעומד, ויתחיל מן התחלת הפרשה ויהי בשלח פרעה את העם, ואחר שיסיים את השירה יחזור לומר שלושה פסוקים של ויסע מלאך וכו' ויבוא בין וכו' ויט משה וכו'.
וַיְהִי בְּשַׁלַּח פַּרְעֹה אֶת־הָעָם וְלֹא־נָחָם אֱלֹהִים דֶּרֶךְ אֶרֶץ פְּלִשְׁתִּים כִּי קָרוֹב הוּא כִּי | אָמַר אֱלֹהִים פֶּן־יִנָּחֵם הָעָם בִּרְאֹתָם מִלְחָמָה וְשָׁבוּ מִצְרָיְמָה: וַיַּסֵּב אֱלֹהִים | אֶת־הָעָם דֶּרֶךְ הַמִּדְבָּר יַם־סוּף וַחֲמֻשִׁים עָלוּ בְנֵי־יִשְׂרָאֵל מֵאֶרֶץ מִצְרָיִם: וַיִּקַּח משֶׁה אֶת־עַצְמוֹת יוֹסֵף עִמּוֹ כִּי הַשְׁבֵּעַ הִשְׁבִּיעַ אֶת־בְּנֵי יִשְׂרָאֵל לֵאמֹר פָּקֹד יִפְקֹד אֱלֹהִים אֶתְכֶם וְהַעֲלִיתֶם אֶת־עַצְמֹתַי מִזֶּה אִתְּכֶם: וַיִּסְעוּ מִסֻּכֹּת וַיַּחֲנוּ בְאֵתָם בִּקְצֵה הַמִּדְבָּר: וַיהֹוָה הֹלֵךְ לִפְנֵיהֶם יוֹמָם בְּעַמּוּד עָנָן לַנְחֹתָם הַדֶּרֶךְ וְלַיְלָה בְּעַמּוּד אֵשׁ לְהָאִיר לָהֶם לָלֶכֶת יוֹמָם וָלָיְלָה: לֹא־יָמִישׁ עַמּוּד הֶעָנָן יוֹמָם וְעַמּוּד הָאֵשׁ לָיְלָה לִפְנֵי הָעָם: וַיְדַבֵּר יְהוָֹה אֶל־משֶׁה לֵּאמֹר: דַּבֵּר אֶל־בְּנֵי יִשְׂרָאֵל וְיָשֻׁבוּ וְיַחֲנוּ לִפְנֵי פִּי הַחִירֹת בֵּין מִגְדֹּל וּבֵין הַיָּם לִפְנֵי בַּעַל צְפֹן נִכְחוֹ תַחֲנוּ עַל־הַיָּם: וְאָמַר פַּרְעֹה לִבְנֵי יִשְׂרָאֵל נְבֻכִים הֵם בָּאָרֶץ סָגַר עֲלֵיהֶם הַמִּדְבָּר: וְחִזַּקְתִּי אֶת־לֵב־פַּרְעֹה וְרָדַף אַחֲרֵיהֶם וְאִכָּבְדָה בְּפַרְעֹה וּבְכָל־ חֵילוֹ וְיָדְעוּ מִצְרַיִם כִּי־אֲנִי יְהוָֹה וַיַּעֲשׂוּ־כֵן: וַיֻּגַּד לְמֶלֶךְ מִצְרַיִם כִּי בָרַח הָעָם וַיֵּהָפֵךְ לְבַב פַּרְעֹה וַעֲבָדָיו אֶל־הָעָם וַיֹּאמְרוּ מַה־זֹּאת עָשִׂינוּ כִּי־שִׁלַּחְנוּ אֶת־יִשְׂרָאֵל מֵעָבְדֵנוּ: וַיֶּאְסֹר אֶת־רִכְבּוֹ וְאֶת־עַמּוֹ לָקַח עִמּוֹ: וַיִּקַּח שֵׁשׁ־מֵאוֹת רֶכֶב בָּחוּר וְכֹל רֶכֶב מִצְרָיִם וְשָׁלִשִׁם עַל־כֻּלּוֹ: וַיְחַזֵּק יְהֹוָה אֶת־לֵב פַּרְעֹה מֶלֶךְ מִצְרַיִם וַיִּרְדֹּף אַחֲרֵי בְּנֵי יִשְׂרָאֵל וּבְנֵי יִשְׂרָאֵל יֹצְאִים בְּיָד רָמָה: וַיִּרְדְּפוּ מִצְרַיִם אַחֲרֵיהֶם וַיַּשִּׂיגוּ אוֹתָם חֹנִים עַל־הַיָּם כָּל־סוּס רֶכֶב פַּרְעֹה וּפָרָשָׁיו וְחֵילוֹ עַל־פִּי הַחִירֹת לִפְנֵי בַּעַל צְפֹן: וּפַרְעֹה הִקְרִיב וַיִּשְׂאוּ בְנֵי־יִשְׂרָאֵל אֶת־עֵינֵיהֶם וְהִנֵּה מִצְרַיִם | נֹסֵעַ אַחֲרֵיהֶם וַיִּירְאוּ מְאֹד וַיִּצְעֲקוּ בְנֵי־יִשְׂרָאֵל אֶל־יְהוָֹה: וַיֹּאמְרוּ אֶל־ משֶׁה הֲמִבְּלִי אֵין־קְבָרִים בְּמִצְרַיִם לְקַחְתָּנוּ לָמוּת בַּמִּדְבָּר מַה־זֹּאת עָשִׂיתָ לָּנוּ לְהוֹצִיאָנוּ מִמִּצְרָיִם: הֲלֹא־זֶה הַדָּבָר אֲשֶׁר דִּבַּרְנוּ אֵלֶיךָ בְמִצְרַיִם לֵאמֹר חֲדַל מִמֶּנּוּ וְנַעַבְדָה אֶת־מִצְרָיִם כִּי טוֹב לָנוּ עֲבֹד אֶת־מִצְרַיִם מִמֻּתֵנוּ בַּמִּדְבָּר: וַיֹּאמֶר משֶׁה אֶל־הָעָם אַל־תִּירָאוּ הִתְיַצְּבוּ וּרְאוּ אֶת־ יְשׁוּעַת יְהֹוָה אֲשֶׁר־יַעֲשֶׂה לָכֶם הַיּוֹם כִּי אֲשֶׁר רְאִיתֶם אֶת־מִצְרַיִם הַיּוֹם לֹא תֹסִפוּ לִרְאֹתָם עוֹד עַד־עוֹלָם: יְהוָֹה יִלָּחֵם לָכֶם וְאַתֶּם תַּחֲרִשׁוּן: וַיֹּאמֶר יְהוָֹה אֶל־משֶׁה מַה־ תִּצְעַק אֵלָי דַּבֵּר אֶל־בְּנֵי־יִשְׂרָאֵל וְיִסָּעוּ: וְאַתָּה הָרֵם אֶת־מַטְּךָ וּנְטֵה אֶת־יָדְךָ עַל־הַיָּם וּבְקָעֵהוּ וְיָבֹאוּ בְנֵי־ יִשְׂרָאֵל בְּתוֹךְ הַיָּם בַּיַּבָּשָׁה: וַאֲנִי הִנְנִי מְחַזֵּק אֶת־לֵב מִצְרַיִם וְיָבֹאוּ אַחֲרֵיהֶם וְאִכָּבְדָה בְּפַרְעֹה וּבְכָל־חֵילוֹ בְּרִכְבּוֹ וּבְפָרָשָׁיו: וְיָדְעוּ מִצְרַיִם כִּי־אֲנִי יְהוָֹה בְּהִכָּבְדִי בְּפַרְעֹה בְּרִכְבּוֹ וּבְפָרָשָׁיו: וַיִּסַּע מַלְאַךְ הָאֱלֹהִים הַהֹלֵךְ לִפְנֵי מַחֲנֵה יִשְׂרָאֵל וַיֵּלֶךְ מֵאַחֲרֵיהֶם וַיִּסַּע עַמּוּד הֶעָנָן מִפְּנֵיהֶם וַיַּעֲמֹד מֵאַחֲרֵיהֶם: וַיָּבֹא בֵּין | מַחֲנֵה מִצְרַיִם וּבֵין מַחֲנֵה יִשְׂרָאֵל וַיְהִי הֶעָנָן וְהַחשֶׁךְ וַיָּאֶר אֶת־הַלָּיְלָה וְלֹא־קָרַב זֶה אֶל־זֶה כָּל־הַלָּיְלָה: וַיֵּט משֶׁה אֶת־יָדוֹ עַל־הַיָּם וַיּוֹלֶךְ יְהוָֹה | אֶת־הַיָּם בְּרוּחַ קָדִים עַזָּה כָּל־הַלַּיְלָה וַיָּשֶׂם אֶת־ הַיָּם לֶחָרָבָה וַיִּבָּקְעוּ הַמָּיִם: וַיָּבֹאוּ בְנֵי־יִשְׂרָאֵל בְּתוֹךְ הַיָּם בַּיַּבָּשָׁה וְהַמַּיִם לָהֶם חוֹמָה מִימִינָם וּמִשְּׂמֹאלָם: וַיִּרְדְּפוּ מִצְרַיִם וַיָּבֹאוּ אַחֲרֵיהֶם כֹּל סוּס פַּרְעֹה רִכְבּוֹ וּפָרָשָׁיו אֶל־תּוֹךְ הַיָּם: וַיְהִי בְּאַשְׁמֹרֶת הַבֹּקֶר וַיַּשְׁקֵף יְהוָֹה אֶל־ מַחֲנֵה מִצְרַיִם בְּעַמּוּד אֵשׁ וְעָנָן וַיָּהָם אֵת מַחֲנֵה מִצְרָיִם: וַיָּסַר אֵת אֹפַן מַרְכְּבֹתָיו וַיְנַהֲגֵהוּ בִּכְבֵדֻת וַיֹּאמֶר מִצְרַיִם אָנוּסָה מִפְּנֵי יִשְׂרָאֵל כִּי יְהֹוָה נִלְחָם לָהֶם בְּמִצְרָיִם: וַיֹּאמֶר יְהוָֹה אֶל־משֶׁה נְטֵה אֶת־יָדְךָ עַל־הַיָּם וְיָשֻׁבוּ הַמַּיִם עַל־ מִצְרַיִם עַל־רִכְבּוֹ וְעַל־פָּרָשָׁיו: וַיֵּט משֶׁה אֶת־יָדוֹ עַל־הַיָּם וַיָּשָׁב הַיָּם לִפְנוֹת בֹּקֶר לְאֵיתָנוֹ וּמִצְרַיִם נָסִים לִקְרָאתוֹ וַיְנַעֵר יְהוָֹה אֶת־מִצְרַיִם בְּתוֹךְ הַיָּם: וַיָּשֻׁבוּ הַמַּיִם וַיְכַסּוּ אֶת־הָרֶכֶב וְאֶת־הַפָּרָשִׁים לְכֹל חֵיל פַּרְעֹה הַבָּאִים אַחֲרֵיהֶם בַּיָּם לֹא־נִשְׁאַר בָּהֶם עַד־אֶחָד: וּבְנֵי יִשְׂרָאֵל הָלְכוּ בַיַּבָּשָׁה בְּתוֹךְ הַיָּם וְהַמַּיִם לָהֶם חֹמָה מִימִינָם וּמִשְּׂמֹאלָם: וַיּוֹשַׁע יְהֹוָה בַּיּוֹם הַהוּא אֶת־יִשְׂרָאֵל מִיַּד מִצְרָיִם וַיַּרְא יִשְׂרָאֵל אֶת־מִצְרַיִם מֵת עַל־שְׂפַת הַיָּם: וַיַּרְא יִשְׂרָאֵל אֶת־הַיָּד הַגְּדֹלָה אֲשֶׁר עָשָׂה יְהוָֹה בְּמִצְרַיִם וַיִּירְאוּ הָעָם אֶת־יְהוָֹה וַיַּאֲמִינוּ בַּיהֹוָה וּבְמשֶׁה עַבְדּוֹ: טואָז יָשִׁיר־ משֶׁה וּבְנֵי יִשְׂרָאֵל אֶת־הַשִּׁירָה הַזֹּאת לַיהֹוָה וַיֹּאמְרוּ לֵאמֹר אָשִׁירָה לַּיהוָֹה כִּי־גָאֹה גָּאָה סוּס וְרֹכְבוֹ רָמָה בַיָּם: עָזִּי וְזִמְרָת יָהּ וַיְהִי־לִי לִישׁוּעָה זֶה אֵלִי וְאַנְוֵהוּ אֱלֹהֵי אָבִי וַאֲרֹמֲמֶנְהוּ: יְהוָֹה אִישׁ מִלְחָמָה יְהוָֹה שְׁמוֹ: מַרְכְּבֹת פַּרְעֹה וְחֵילוֹ יָרָה בַיָּם וּמִבְחַר שָׁלִשָׁיו טֻבְּעוּ בְיַם־סוּף: תְּהֹמֹת יְכַסְיֻמוּ יָרְדוּ בִמְצוֹלֹת כְּמוֹ־אָבֶן: יְמִינְךָ יְהֹוָה נֶאְדָּרִי בַּכֹּחַ יְמִינְךָ יְהוָֹה תִּרְעַץ אוֹיֵב: וּבְרֹב גְּאוֹנְךָ תַּהֲרֹס קָמֶיךָ תְּשַׁלַּח חֲרֹנְךָ יֹאכְלֵמוֹ כַּקַּשׁ: וּבְרוּחַ אַפֶּיךָ נֶעֶרְמוּ מַיִם נִצְּבוּ כְמוֹ־נֵד נֹזְלִים קָפְאוּ תְהֹמֹת בְּלֶב־יָם: אָמַר אוֹיֵב אֶרְדֹּף אַשִּׂיג אֲחַלֵּק שָׁלָל תִּמְלָאֵמוֹ נַפְשִׁי אָרִיק חַרְבִּי תּוֹרִישֵׁמוֹ יָדִי: נָשַׁפְתָּ בְרוּחֲךָ כִּסָּמוֹ יָם צָלֲלוּ כַּעוֹפֶרֶת בְּמַיִם אַדִּירִים: מִי־כָמֹכָה בָּאֵלִם יְהֹוָה מִי כָּמֹכָה נֶאְדָּר בַּקֹּדֶשׁ נוֹרָא תְהִלֹּת עֹשֵׂה פֶלֶא: נָטִיתָ יְמִינְךָ תִּבְלָעֵמוֹ אָרֶץ: נָחִיתָ בְחַסְדְּךָ עַם־זוּ גָּאָלְתָּ נֵהַלְתָּ בְעָזְּךָ אֶל־נְוֵה קָדְשֶׁךָ: שָׁמְעוּ עַמִּים יִרְגָּזוּן חִיל אָחַז ישְׁבֵי פְּלָשֶׁת: אָז נִבְהֲלוּ אַלּוּפֵי אֱדוֹם אֵילֵי מוֹאָב יֹאחֲזֵמוֹ רָעַד נָמֹגוּ כֹּל ישְׁבֵי כְנָעַן: תִּפֹּל עֲלֵיהֶם אֵימָתָה וָפַחַד בִּגְדֹל זְרוֹעֲךָ יִדְּמוּ כָּאָבֶן עַד־יַעֲבֹר עַמְּךָ יְהֹוָה עַד־יַעֲבֹר עַם־זוּ קָנִיתָ: תְּבִאֵמוֹ וְתִטָּעֵמוֹ בְּהַר נַחֲלָתְךָ מָכוֹן לְשִׁבְתְּךָ פָּעַלְתָּ יְהוָֹה מִקְּדָשׁ אֲדֹנָי כּוֹנֲנוּ יָדֶיךָ: יְהוָֹה | יִמְלֹךְ לְעֹלָם וָעֶד: כִּי בָא סוּס פַּרְעֹה בְּרִכְבּוֹ וּבְפָרָשָׁיו בַּיָּם וַיָּשֶׁב יְהוָֹה עֲלֵהֶם אֶת־מֵי הַיָּם וּבְנֵי יִשְׂרָאֵל הָלְכוּ בַיַּבָּשָׁה בְּתוֹךְ הַיָּם: וַתִּקַּח מִרְיָם הַנְּבִיאָה אֲחוֹת אַהֲרֹן אֶת־הַתֹּף בְּיָדָהּ וַתֵּצֶאןָ כָל־הַנָּשִׁים אַחֲרֶיהָ בְּתֻפִּים וּבִמְחֹלֹת: וַתַּעַן לָהֶם מִרְיָם שִׁירוּ לַיהוָֹה כִּי־גָאֹה גָּאָה סוּס וְרֹכְבוֹ רָמָה בַיָּם:
וַיִּסַּע מַלְאַךְ הָאֱלֹהִים הַהֹלֵךְ לִפְנֵי מַחֲנֵה יִשְׂרָאֵל וַיֵּלֶךְ מֵאַחֲרֵיהֶם וַיִּסַּע עַמּוּד הֶעָנָן מִפְּנֵיהֶם וַיַּעֲמֹד מֵאַחֲרֵיהֶם:
וַיָּבֹא בֵּין | מַחֲנֵה מִצְרַיִם וּבֵין מַחֲנֵה יִשְׂרָאֵל וַיְהִי הֶעָנָן וְהַחשֶׁךְ וַיָּאֶר אֶת־הַלָּיְלָה וְלֹא־קָרַב זֶה אֶל־זֶה כָּל־הַלָּיְלָה:
וַיֵּט משֶׁה אֶת־יָדוֹ עַל־הַיָּם וַיּוֹלֶךְ יְהוָֹה | אֶת־הַיָּם בְּרוּחַ קָדִים עַזָּה כָּל־הַלַּיְלָה וַיָּשֶׂם אֶת־הַיָּם לֶחָרָבָה וַיִּבָּקְעוּ הַמָּיִם:

ואח"כ ילמוד דברים אלו:
שֵׁם בן ע"ב שֶל וַיִּסַּע וַיָּבֹא וַיֵּט יֵשׁ בּוֹ ע"ב תֵּיבִין ורי"ו אַתְוָון וְהוּא בְּחִינַת חג"ת, וְעַל יְדֵי שֵׁם זֶה נִקְרַע הַיָּם לְיִשְׂרָאֵל, גַּם עַל יְדֵי שֵׁם זֶה הֶחֱיָה אֱלִישַׁע הַנָּבִיא ע"ה אֶת בֶּן הַשּׁוּנַמִּית שֶׁהוּא חֲבָקוּק הַנָּבִיא ע"ה. וְהִנֵּה הע"ב שֵׁמוֹת הֵם יוֹצְאִין מִשְּׁלֹשָׁה פְּסוּקִים הַנִּזְכָּרִים בְּפָרָשַׁת בְּשַׁלַּח וְהֵם, הָאֶחָד וַיִּסַּע מַלְאַךְ הָאֱלֹקִים וְכוּ', וְהַשֵּׁנֵי וַיָּבֹא בֵּין מַחֲנֵה מִצְרַיִם וְכוּ', וְהַשְּׁלִישִׁי וַיֵּט מֹשֶׁה אֶת יָדוֹ וְכוּ'. וּפָסוּק הָרִאשׁוֹן שֶׁל וַיִּסַּע סִדּוּרוֹ בְּסֵדֶר יָשָׁר מֵרֹאשׁ הַפָּסוּק לְסוֹפוֹ, וּפָסוּק הַשֵּׁנִי שֶׁל וַיָּבֹא סִדּוּרוֹ לְמַפְרֵעַ מִסּוֹף הַפָּסוּק לְרֹאשׁוֹ, וּפָסוּק הַשְּׁלִישִׁי שֶׁל וַיֵּט סִדּוּרוֹ בְּסֵדֶר יָשָׁר מֵרֹאשׁ הַפָּסוּק וְעַד סוֹפוֹ. נִמְצְאוּ אוֹתִיּוֹת הָרִאשׁוֹנוֹת שֶׁל כָּל הָע"ב שֵמוֹת הֵם שֶׁל פָּסוּק וַיִּסַּע, וְאוֹתִיּוֹת הָאֶמְצָעִיּוֹת הֵם שֶׁל פָּסוּק וַיָּבֹא, וְאוֹתִיּוֹת הָאַחֲרוֹנוֹת הֵם שֶׁל פָּסוּק וַיֵּט:

וְכָתַב רַבֵּנוּ מַהַרְח"וּ זַ"ל בְּסֵפֶר מְבוֹא שְׁעָרִים ש"ה ח"א פי"א וְזֶה לְשׁוֹנוֹ, וְהָבֵן עַתָּה עִנְיַן שֵׁם בֶּן ע"ב אֲשֶׁר בְּחֶסֶד מָה עִנְיָנוֹ. וְהָעִנְיָן כִּי כָּל שֵׁם ע"ב זֶה, אַף עַל פִּי שֶׁנֶּחְלָק לְשָׁלֹשׁ בְּחִינוֹת, כִּי הֲרֵי פָּסוּק וַיִּסַּע הוּא בַּחֶסֶד, וּפָסוּק וַיָּבֹא בַּגְּבוּרָה, וּפָסוּק וַיֵּט בַּתִּפְאֶרֶת, עִם כָּל זֶה כָּל שֵׁם ע"ב הוּא בַּחֶסֶד כַּנּוֹדָע. וְהַטַּעַם כִּי הוּא בְּסוֹד הַחֶסֶד שֶׁבַּחֶסֶד וְהַחֶסֶד שֶׁבַּגְּבוּרָה וְהַחֶסֶד שֶׁבַּתִּפְאֶרֶת. וְהָבֵן זֶה הֵיטֵב, כִּי עִם הֱיוֹת שֵׁם זֶה בחג"ת, הִנֵּה הוּא בִּבְחִינַת חֶסֶד שֶׁבְּכָל אֶחָד מֵהַשְּׁלֹשָׁה אֵלּוּ. וְלָכֵן שֵׁם בֵּן ע"ב כֻּלּוֹ בְּחֶסֶד. עַד כָּאן לְשׁוֹנוֹ:

ואח"כ יאמר בקשה זו שהיא מיוסדת על ר"ת של ע"ב שמות של שם בן ע"ב דויסע ויבא ויט הנז':
(וה"ו) וְאַתָּה הָאֵל וְהַגָּדוֹל. וְאַתָּה הַגִּבּוֹר וְהַנּוֹרָא. וְאַתָּה הַחַי וְקַיָּם. וְאַתָּה הֶאֱלֹהִים וּמֶלֶךְ. וְאַתָּה הַמַּאֲצִיל וְהַבּוֹרֵא. וְאַתָּה הַיּוֹצֵר וְהָעוֹשֶׂה. וְאַתָּה הַשּׁוֹמֵעַ וּמַאֲזִין. וּמְקַבֵּל הַתְּפִלּוֹת וְעוֹנֶה:

וַעַד הַטּוֹב וַעֲדֵנִי (ר"ת) וה"ו (וכן על זה הדרך יכוין בר"ת) יְשׁוּעָתְךָ לָעַד יִצְּרוּנִי יל"י סַמְּכֵנִי יַשְּׁרֵנִי טַהֲרֵנִי סי"ט עָזְרֵנִי לְמַעַן מַלְכוּתֶךָ על"ם מִן הַמֵּצַר שִׁוַּעְתִּי מה"ש לִתְפִלָּתִי לִתְחִנָּתִי הַקְשִׁיבָה לל"ה אֶל כִּסְאֲךְ אֲצַפֶּה אכ"א כִּסֵּא הָרַחֲמִים תָּשֵׁב כה"ת הַגְבֵּר זְכוּת יִשְׁעִי הז"י אֱמֹר לְצָרוֹתַי דַּי אל"ד לִישׁוּעָתְךָ אוֹחִיל וַאֲצַפֶּה לא"ו הַמְקַבֵּל הַתְּפִלּוֹת עֲנֵנִי הה"ע יְהֹוָה זָכְרֵנִי לְטוֹבָה יז"ל מֵאוֹצָרְךָ בְּרָכוֹת הַשְׂבִּיעֵנִי מב"ה הַרְאֵנִי רַחֲמֵי יִשְׁעֶךָ הר"י הָקֵם קוֹמְמִיּוּת מַזָּלִיהק"ם לְךָ אֲנִי וְהוֹשִׁיעֵנִילא"ו כִּי לִישׁוּעָתְךָ יִחַלְתִּי כל"י לַבְּבֵנִי וְאַזְּרֵנִי וְסַעֲדֵנִי לו"ו פָּנֶיךָ הָאֵר לְעַבְדֶּךָ פה"ל נֵר לְרַגְלִי כּוֹנְנָה נל"ך יִתְכּוֹנְנוּ יִתְבָּרְכוּ יָדַי יי"י מִשְׁאֲלוֹת לִבִּי הָקֵם מל"ה חָנֵּנִי הוֹד וְהָדָר חה"ו נִפְלְאוֹת תּוֹרָתְךָ הַרְאֵנִי נת"ה הָאֵר אֶת אֲפֵלָתִי הא"א יְהֹוָה רְצֵה תְּשׁוּבָתִי יר"ת שְׁלַח אוֹרְךָ הַנְחֵנִי שא"ה רַחֲמֶיךָ יִצְּרוּנִי יְהֹוָה רי"י אַמְּצֵנִי וּבָרְכֵנִי מִבִּרְכוֹתֶיךָ או"מ לְבָבִי כּוֹנְנָה בְּיִרְאָתֶךָ לכ"ב וְחָנֵּנִי שֶׁפַע רַב וש"ר יְבוֹאוּנִי חֲסָדֶיךָ וְרַחֲמֶיךָ יח"ו לְלִבִּי הַרְאֵה חָכְמָה לה"ח כַּלְכְּלֵנִי וְהוֹלִיכֵנִי קוֹמְמִיּוּת כו"ק מַלְּאֵנִי נֹעַם דְּבָרֶיךָ מנ"ד אַתָּה נֵרִי יְהֹוָה אנ"י חַדְרֵי עֹשֶׁר מַלְּאֵנִי חע"ם רוּחֲךָ הַטּוֹבָה עָלַי רה"ע יִרְבּוּ יִגְדְּלוּ זָכִיּוֹתַי יי"ז הוֹרֵנִי הַדֶּרֶךְ הַטּוֹב הה"ה מַעֲשֵׂי יָדַי כּוֹנְנָה מי"ך וְחַזְּקֵנִי וְאַמְּצֵנִי לַעֲבוֹדָתֶךָ וו"ל יִהְיוּ לְרָצוֹן הֶגְיוֹנַי יל"ה סַיַּע אוֹתִי לְיִרְאָתֶךָ סא"ל עָלַי רַחֲמֶיךָ יֶהֱמוּ ער"י עֲשֵׂה שָׁלוֹם לִי עש"ל מִמַּתְּנוֹת יָדְךָ הַעֲשִׁירֵנִי מי"ה וְהַגְבֵּר הַחֶסֶד וְהָרַחֲמִים וה"ו דְּבָרְךָ נְתִיבִי יָאִיר דנ"י הַשְׂבִּיעֵנִי חַיֵּי שָׁלוֹם הח"ש עַל מֵי מְנוּחוֹת עמ"ם נַהֲלֵנִי נוֹרָא אָיֹם ננ"א נְעִימוֹת יְמִינְךָ תַּרְאֵנִי ני"ת מַהֵר בְּנֵה הַמִּקְדָּשׁ מב"ה פְּדֵה וּגְאַל יִשְׂרָאֵל פו"י נִדָּחִים מַלֵּט מִמַּאֲסָר נמ"ם יִתְקַבְּצוּ יָבוֹאוּ לְצִיּוֹן יי"ל הַשְׂבִּיעֵנוּ רוּחַ חָכְמָה הר"ח מַהֵר צַמַּח רְפוּאָתִי מצ"ר וְשַׂבְּעֵנִי מִטּוּב בֵּיתֶךָ ומ"ב יְשׁוּעוֹתֶיךָ הָרַבִּים הוֹחַלְתִּי יה"ה עָלֶיךָ נִסְמַכְתִּי וּבָטַחְתִּי ענ"ו מֵחָכְמָתְךָ חַכְּמֵנִי יְהֹוָה מח"י דַּבֵּק מַחְשַׁבְתִּי בָּךְ דמ"ב מִנִּסְתָּרוֹת נַקֵּנִי קַדְּשֵׁנִי מנ"ק אוֹרְךָ יִזְרַח עָלַי אי"ע חָנֵּנִי בִּינָה וָדַעַת חב"ו רַבֵּה אֶת הוֹנִי רא"ה יִהְיֶה בָּרוּךְ מְקוֹרִי יב"מ הַאֲרֵךְ יָמַי יְהֹוָה הי"י מַלְּטֵנִי וּמַלֵּא מִשְׁאֲלוֹתַי מו"ם.

יו"ד
יַחֵל יִשְׂרָאֵל אֶל יְהוָֹה כִּי עִם יְהוָֹה הַחֶסֶד וְהַרְבֵּה עִמּוֹ פְדוּת: וְהוּא יִפְדֶּה אֶת יִשְׂרָאֵל מִכֹּל עֲוֹנוֹתָיו: דָּרַשְׁתִּי אֶת יְהוָֹה וְעָנָנִי וּמִכָּל מְגוּרוֹתַי הִצִּילָנִי:

ה"י
הִנֵּה כְעֵינֵי עֲבָדִים אֶל יַד אֲדוֹנֵיהֶם כְּעֵינֵי שִׁפְחָה אֶל יַד גְּבִרְתָּהּ כֵּן עֵינֵינוּ אֶל יְהוָֹה אֱלֹהֵינוּ עַד שֶׁיְּחָנֵּנוּ: יְהוָֹה צְבָאוֹת עִמָּנוּ מִשְׂגָּב לָנוּ אֱלֹהֵי יַעֲקֹב סֶלָה:

וי"ו
וַאֲנִי תְפִלָּתִי לְךָ יְהוָֹה עֵת רָצוֹן אֱלֹהִים בְּרָב חַסְדֶּךָ עֲנֵנִי בֶּאֱמֶת יִשְׁעֶךָ: יְהוָֹה צְבָאוֹת אַשְׁרֵי אָדָם בּוֹטֵחַ בָּךְ: וַתָּרֶם כִּרְאֵים קַרְנִי בַּלֹּתִי בְּשֶׁמֶן רַעֲנָן:

ה"י
הָאִירָה פָנֶיךָ עַל עַבְדֶּךָ הוֹשִׁיעֵנִי בְחַסְדֶּךָ: יְהוָֹה הוֹשִׁיעָה הַמֶּלֶךְ יַעֲנֵנוּ בְיוֹם קָרְאֵנוּ: